In pag ayil shurut siya sin sambahayang,dih matayma in sambahayang sin hangkatau bang wayruun siya,dain ha sababab yadto subay natu kahatihan marayaw bang biya'diin in hantang sin pag ayil.

1.Magniyat: in tampat sin niyat ha laum pangatayan,bukun hilapal,in upamahan niya:magniyat ako mag-ayil ha karna allah.
ampa magbismillah ha lapal:bismillah.

2.humugas sin duwa lima,labi luba na bang bati dain ha tugan.ampa mamaymog-mog sarta humanggit sin tubig pa ilong sin lima tuo ampa hisunga sin lima lawa.

3.humugas sin bayho:tumagna dain ha tiyubuan sin buhuk harap pa tako,iban dain ha hansipak taynga pa tuo sambil pa lawa (tantuhun tuud basaun sin tubig).sarta humusay sin pungut bang malabung.

4.humugas sin buktun:paunahun in tuo,tumagna dain ha duhul gulamay lima sambil pa siko(tantuhun tuud basaun sin tubig)

5.Sumapo sin tubig pa o,tumagna dain ha unahan sambil pa ulihan ampa na isab hibalik pa unahan(ha kan imam shafie jukup na sumapo sin tubig pa buhuk misan hangkatiyu. sarta sumapo sin tubig pa taynga dain ha laum pa guwa:in hipag sapo ha laum amon tudlo adapon in ha guwa taynga amon bakol.

6.humugas sin siki:paunahun in tuo,tumagna dain ha duhul gulamay siki sambil pa buku-buku,bang aun dapat palaosun pa bi'tis hasupaya matanto tuud sin mabasa katan.

7.subay papagsunud-sunurun in katan ini: dih siya manjari paunahun in siki ampa lima...iban hinangun katan ha hambuuk wakto: dih siya manjari humugas naa sin bayho ampa humali-hali ampa na isab humugas sin siki(bang wayruun da udjul).
-bang maka ubus mag ayil hiyarus in massa sin ini: Ashhadu anlaa ilaaha illallahu wahdaho laa sharika lahoo waash-haduanna muhammadan abduho warasulo.

8.in wajib ha pag ayil in humugas makaminsan,siyunnat in ganapan siya sambil pa makatu,amora in sumapo pa o miyakrooh siya in lumabi dain ha makaminsan.

http://paazhar.blogspot.com/